Birləşmiş Millətlər Təşkilatının Baş Assambleyası 1993-cü ildə hər il may ayının 15-nin “Beynəlxalq Ailə Günü” kimi qeyd olunması barədə qərar qəbul etmişdir. 1994-cü ildən etibarən isə 15 may bütün dünyada Beynəlxalq Ailə Günü kimi qeyd olunur.
15 may tarixinin Beynəlxalq Ailə Günü kimi elan edilməsində əsas məqsəd diqqəti ailə institutunun inkişafına, ailə dəyərlərinin möhkəmləndirilməsinə çəkmək və gələcək nəsillərə sağlam ailə ənənələrini ötürməyə töhfə verməkdir.
Ölkəmizdə də Ailə Günü 2008-ci ildən etibarən qeyd edilir.
