Yekun nitqi ilə çıxış edən Komitə sədri Bahar Muradova, bu Konfransla QH-nın Qadın Platformasının yaradılması istiqamətində ilk addımın atıldığını qeyd edib. O, Azərbaycan Respublikasının Prezidenti cənab İlham Əliyevin elan etdiyi təşəbbüs çərçivəsində 40-a yaxın ölkənin və bir sıra beynəlxalq
təşkilatın yüksək səviyyəli qonaqlarının iştirakı ilə baş tutan Konfransın keçirildiyi iki gün ərzində iştirakçı ölkələrin nümayəndələrinin fərqli baxış və təcrübələrinin, təkliflərinin dinlənildiyini, eyni zamanda qadın hüquqları ilə bağlı iki yan tədbirin keçirildiyini vurğulayıb.
